Dagens samfunn er eit digitalt samfunn. Tilnærma alle brukar digitale hjelpemiddel dagleg, men dei færraste veit korleis desse har vorte til. Det er veldig viktig at oppvoksande og framtidige generasjonar er i stand til å forstå og beherske si eiga rolle i det digitale samfunnet. Barn og unge skal oppleva det som like sjølvsagt å være kreative og skapande, som å være brukarar av teknologien. For å oppnå dette er det avgjerande at dei har gode rollemodellar og rettleiarar som både har fagkunnskap i informatikk og evna til å formidle den, både på fritida og i skuletida. Derfor er Kodeklubben Etne no oppretta, for å kunne gi den framtidige generasjonen av vaksne moglegheiten til å forstå meir av verda rundt seg.

Kodeklubben Etne vert arrangert i veke 28, altså fra 7.-11.juli, i Etne Kommune. Me har gleda av å nytte lokala til Enge Skule, det er me særs takknemlege for. Påmeldinga er no opna, og me håpar mange har interesse for å delta.

Flyer til Kodeveka og opplegget finn dykk her. Følg med oss på facebook for å halde deg oppdatert til ei kvar tid. Programmering i Scratch foregår i nettlesaren, her kan dykk lage brukarar og programmere eigne spill og program.

Beste helsing Kodeklubben Etne